Жаңалықтарды Telegram арнамыздан оқыңыз!Ал қымбатшылыққа қарсы Үкіметтің осы шараларына шаруалардың көңілі толмайды. Әсіресе ет өндірушілер шекті баға белгілегенше, арадағы алып-сатарлармен күресу керек дейді. Бағаның өсуіне осы делдалдар әсер етеді. Мәселен, фермерлер келісін 1700-ден сататын сиыр еті, дүкен сөрелеріне жеткенше 500-600 теңгеге дейін қымбаттап кетеді екен. Жұмыртқа өндірушілер де баға қазіргі нарыққа сай өсіп жатыр дейді. Соған қарамастан шекті баға белгілеу, бизнеске кері әсер ететінін алға тартады. Бәсекелестікті қорғау және дамыту агенттігі бұған дейін 13 ірі құс фермасы сөз байласып, бағаны әдейі көтергенін айтқан еді.
Досжан Маратұлы
