Жаңалықтарды Telegram арнамыздан оқыңыз!«Бір мемлекет - бір тағдыр». Бүгінде қазақ елін 100-ден астам ұлт пен ұлыстың өкілі туған мекеніміз деп таниды. Әрқашан қоғам дамуынан шет қалмайтын олар 1 наурыз - Алғыс айту күні қайырымдылықты, ынтымақтастықты қолдау, достық пен бірліктің жарқын мерекесі деп санайды. Ұзақ жыл мемлекеттік қызмет атқарған, ел дамуына үлкен үлес қосқан қоғам қайраткерлері барша қазақстандықтарды осы мерекемен құттықтап, қазақ халқына деген ерекше ілтипатын жеткізді.
Розақұл Халмұрадов, қоғам қайраткері, Қазақстан халқы Ассамблеясының мүшесі:
Тағдырдың тәлкегімен Қазақ жеріне еріксіз көшіп келген ұлттардың өкіліне қазақ халқы қонақжайлығын, өзінің салт-дәстүрін көрсете білді. Барлығына жылы жайын берді. Бір үзім нанын бөлісіп жеді. Сол себепті ең үлкен тағзым қазақ халқына.
Анатолий Башмаков, қоғам және мемлекет қайраткері:
Бұл мереке 2016 жылы Ассамблея жылында пайда болды. Сондықтан бұл халықтың рухани ұстанымы десек те болады. Бұл біздің халқымыздың татулығы мен жанашырлығының сипаттамасы.
Ғани Қалмаханов
