Жаңалықтарды Telegram арнамыздан оқыңыз!Денсаулық сақтау министрлігінің лауазымды өкілдері бүгін «Спутник V» вакцинасының екінші дозасын салдырды. Олар екпенің алғашқы бөлігін 21 күн бұрын қабылдаған болатын. Ел бойынша екпе салдыру індеттің алдыңғы шебінде жүрген медицина қызметкерлерінен басталғаны белгілі. Өйткені, олардың коронавирусты жұқтыру және тарату тәуекелі жоғары. Дегенмен, мәжбүрлеу жоқ. Әркімнің өз еркі. Қазірге дейін «Спутник V» вакцинасының 1-ші дозасын 20 мыңға жуық адам қабылдады. Олардың арасында ешкім вирус жұқтырған жоқ. Дәрігерлерден бөлек педагогтар мен тәртіп сақшылары да екпе алады. Мұнан кейінгі кезек – студенттерде.
Асима Нұрбайқызы
