Жаңалықтарды Telegram арнамыздан оқыңыз!«Нұрлы жер», «Еңбек» мемлекеттік бағдарламалары шекарадағы халқы аз елді мекендерді сақтап қалуға мүмкіндік берді. Мәселен, Павлодар облысы Успенка ауданына 600-ге жуық адам көшіп келді. Олар алдымен баспанамен қамтылып, жұмысқа орналастырылды. Тұрмысқа қажетті отын-су, азық-түлік, балаларға киім-кешек берілді. Биыл оңтүстіктен тағы 66 отбасы, яғни 260 адам келеді. Қазір 8 пәтер дайын тұр, тағы 10 үй салынбақ. Сондай-ақ , ауылдарда жабылып қалған мектептер де қайта ашылуда.
Рысқал Тәжібаева, тұрғын:Үлкен қызым қазір оқу ісінің меңгерушісі болып істейді, кішкене қызым ағылшыннан мұғалім, тренер болып бала жұмыс жасап жатыр. Жылы үйге отырғызып, таза, жаңа үйдің кілтін желтоқсанның 31 күні берді.
Данияр Оспанов, Успенка ауданы әкімінің орынбасары:Успен ауылында 8 пәтерлі 4 үй, Новопокровкада 4 пәтерлі екі үй, Қоңырөзек ауылында 4 пәтер дайын тұр. Сәуір айында Оңтүстік облыстардан келетін ағайындарды қоныстандырамыз. Адам саны көбейіп, іргеміз кеңейіп қалды.
Болат Аманбаев
