Жаңалықтарды Telegram арнамыздан оқыңыз!Павлодарда жоғары оқу орнының екі студенті Ішкі істер министрлігі қызметкерлерінің куәлігін қолдан жасап сатқан. Олар әлеуметтік желі арқылы тапсырыс берушіге табан астында дайындап береміз-деп жарнама берген. Күдіктілер ұсталды, тергеу амалдары жүріп жатыр. Полиция алдымен қанша қызмет куәлігі сатылғанын және оларды кімдер сатып алғаны жайлы мәліметті анықтауда.
Жасқайрат Қайыров, полиция департаменті бастығының бірінші орынбасары:2001 жылы туған студенттер анықталды және ұсталды. Олардан принтер, процессор дайын куәліктер және куәлікті жасауға дайындап қойған қызыл парақшалар табылды. Қазір қылмыстык іс қозғалып, сараптама тағайындалды.
Болат Аманбаев
