Жаңалықтарды Telegram арнамыздан оқыңыз!Баспана бағасы бір айда 5, бір жылда 18 пайызға қымбаттаған. Ұлттық статистика бюросының мәліметі осындай.
Мәселен қаңтар айында бұрын қолданыста болған пәтер құны 5 пайызға көтеріліп, ел бойынша шаршы метрдің орташа бағасы 245 мың теңгеге жетті. Ал былтырмен салыстырғанда баға 18 пайызға өсіп отыр. Ол кезде шаршы метрдің орташа құны 202000 теңге болған. Ал жаңа пәтерлер әлдеқайда қымбат. Ол бір айда 3 пайызға қымбаттаған. Ел бойынша оның орташа бағасы 320 мың теңге.
Қымбатшылыққа инфляция себеп. Оның үстіне зейнетақы жинағының баспанаға деп берілуі бағаны өсіріп жіберген. Десе де бұл уақытша. Баға жазға қарай тұрақталуы тиіс дейді мамандар.
Досжан Маратұлы
