Жаңалықтарды Telegram арнамыздан оқыңыз!Қызылордада заңсыз ойын бизнесін ашқан азаматқа қатысты соттың үкімі шықты. Оған 6 ай мерзімге бас бостандығын шектеу жазасы тағайындалып, 100 сағат мәжбүрлі еңбекке тартылатын болды.
29 жастағы қала тұрғыны көпқабатты үйдің бірінен жасырын жолмен интернет казино ұйымдастырған. Бірақ көп ұзамай заңсыз әрекеті әшкереленіп, ойын залынан ғаламтор арқылы бәс тігетін 13 компьютер тәркіленді. Жалпы, былтыр 8 интернет казино кеңсесі анықталды. Құмар ойынға арбалғандар 11,2 миллион теңгеден аса ақшасын бәске тігіп жіберген.
Әділбек Серікұлы
