Жаңалықтарды Telegram арнамыздан оқыңыз!Елімізде балаларға қатысты жасалған қылмыс жазасы қатаңдады. Тиісті заң 11 қаңтардан күшіне енді. Құжатқа сәйкес, кәмелет жасқа толмағандарды зорлағандар енді кем дегенде 17 жыл бас бостандығынан айырылады. Бұл мерзім осыған дейін 15 жыл болатын. Жыныстық сипаттағы қылмысқа жауапкершіліктің қатаңдауы Мемлекет басшысының тапсырмасына сәйкес жүзеге асырылды. Бұл ретте санкциялар да күшейді.
Нұрділдә Ораз, ҚР ІІМ ресми өкілі:
Ата-анасының, өгей әкесінің, педагогтың осындай қылмысқа барғаны үшін санкция 17 жылдан 20 жылға дейін ұзартылды. Бұрын бұл норма бойынша 12-ден 17 жылға дейін бекітілген. Бұл бастама кәмелетке толмағандарға қатысты жасалатын зорлық-зомбылық әркеттер мен қылмыстарды ауыздықтайды деген үміт бар.
Дарын Сағитов
