Жаңалықтарды Telegram арнамыздан оқыңыз!Қазгидрометтің болжамынша, 18 қаңтар күні Қазақстанның басым бөлігінде жел соғып, тұман түседі, жолдарда көктайғақ орнайды.
«Қазақстанның солтүстік-батысы мен солтүстігінде және орталығында аздап қар жауады, батысында да қар немесе жаңбыр жауады деп болжанып отыр. Басқа аймақтарда жауын-шашын түспейді. Республиканың кейбір жерлерінде тұман түсіп, жаяу боран соғады, жел күшейеді, батыс аймақтардағы жолдарға көктайғақ орнайды», - деп хабарлайды Қазгидромет.
Жекелеген облыстарға тоқталсақ, Солтүстік Қазақстан облысында түнде жел күшейіп, кейбір жерлерде желдің күші секундына 23-28 метр жылдамдықпен соғады.
Шығыс Қазақстан, Павлодар облыстарында, Батыс Қазақстан облысының оңтүстігінде де секундына 15-23 метр жылдамдықпен жел соғады.
Қостанай, Ақмола облыстарында жаяу боран соғып, тұман түседі.
Жамбыл, Ақтөбе, Алматы облыстарында тұман түсіп, секундына 15-22 метр жылдамдықта жел соғады.
Маңғыстау, Атырау облыстарында тұман түсіп, көктайғақ орнайды. Түркістан, Қызылорда облыстарында да тұман түседі деген болжам бар.
