Алматы облысында карантин күшейді - «Qazaqstan» Ұлттық телеарнасы

Алматы облысында карантин күшейді

08.01.2021

Алматы облысында карантиндік шараларды күшейтетін жаңа қаулы қабылданды. Себебі өңірде соңғы 7 күнде індет жұқтырғандар қатары күрт көбейіп кеткен. Қаулыға сәйкес сыйымдылығы 50 және одан да көп қоғамдық тамақтану орындары жұмысын тоқтатады. Той-томалақ, банкет, еске алу жиындарын ұйымдастыруға тыйым салынды. Барлық меншік нысанындағы мектепке дейінгі ұйымдар, ойын сауық орындары да жағдай тұрақталғанша жұмыс істемейді. Сондай-ақ туристік нысандар, табиғи парктер, демалыс орындары, тау-шаңғы базалары мен мұз айдындарына келушілердің тек 80 пайызын қабылдауға рұқсат. Мониторингтік топтарға тексеру, қадағалау жұмыстарын үдету тапсырылды. 

Қуаныш Қанатұлы

Хабарламаларға жазылу