Жаңалықтарды Telegram арнамыздан оқыңыз!Қазақстан биліктегі саяси ережелердің өзгеру тұсында. Сарапшылар пікірі осындай. Бүгін Қазақстан стратегиялық зерттеулер институты ұйымдастырған дөңгелек үстел басына жиналған азаматтар сайлау алдындағы партиялардың белсенді іс-шараларын қортындылады. Айтуларынша, сайлауға қоғам тарапынан да, негізгі топтар тарапынан да қызығушылық жоғары. Өйткені жаңа парламенттің қалыптасуы елдің саяси жүйесін өзгертеді деген сенім мол. Әрі алдымыздағы сайлау 2019-2021 жылдардағы сайлау циклін аяқтап қана қоймай, билік транзитінің қорытындысын бекітеді дейді. Жалпы елдегі сайлау тыныш өтеді деген сенімде.
Максим Казначеев, саясаттанушы:
Пандемия салдарынан экономикалық қиындықтарға байланысты әлеуметтік шиеленістің аздап өскені байқалып отыр. Дегенмен, еліміздің экономикалық орнықтылық қоры жоғары. Яғни, сайлау циклі тұрақты ахуалды сақтап қала алады.
Ләйлә Дулатқызы
