Тоқаев квазимемлекеттік сектор субъектілерін құруға байланысты мораторий мерзімін ұзартты - «Qazaqstan» Ұлттық телеарнасы

Тоқаев квазимемлекеттік сектор субъектілерін құруға байланысты мораторий мерзімін ұзартты

28.12.2020
Тоқаев квазимемлекеттік сектор субъектілерін құруға байланысты мораторий мерзімін ұзартты

Президент Қасым-Жомарт Тоқаев квазимемлекеттік сектор субъектілерін құруға мораторий енгізу туралы Жарлыққа өзгеріс енгізу туралы құжатқа қол қойды, деп хабарлайды Ақорда.

Құжатқа сәйкес мораторий тағы бір жылға - 2021 жылдың 31 желтоқсанына дейін ұзарды.

«Квазимемлекеттік сектор субъектілерін құруға мораторий енгізу туралы» Қазақстан Республикасы Президентінің 2019 жылғы 3 шілдедегі № 51 Жарлығына (Қазақстан Республикасының ПҮАЖ-ы, 2019 ж., № 29, 245-құжат) мынадай өзгеріс енгізілсін:

1-тармақтың бірінші абзацы мынадай редакцияда жазылсын:

«1. 2021 жылғы 31 желтоқсанға дейін квазимемлекеттік сектор субъектілерін құруға мораторий енгізілсін, оған мыналар:».

2. Осы Жарлық алғашқы ресми жарияланған күнінен бастап қолданысқа енгізіледі», - делінген Жарлықта.

жарлық ақорда президент

Хабарламаларға жазылу