Жамбыл облысында санитарлық талаптарды сақтамаған мейрамханалар жабылды - «Qazaqstan» Ұлттық телеарнасы

Жамбыл облысында санитарлық талаптарды сақтамаған мейрамханалар жабылды

22.12.2020

Жамбыл облысы Қордай ауданында сақтық шараларын сақтамаған екі мейрамхана жабылды. Бұған дейін бірнеше ескерту алған кәсіпкерлер енді айыппұл арқалайтын болады. Өңірде шілде айынан бері жүргізілген рейдтік шаралар кезінде 881 нысанның санитарлық талаптарды ұстанбағаны анықталған. Ішкі істер қызметкерлерімен 564 кәсіпкерге 71 млн тенгеден астам айыппұл салынды. Өңір басшысы енді бірнеше рет ескерту алған кәсіпкерлер заңсыздыққа жол берсе, ондай нысандарды жабуға ұсыныс тастаймыз дейді.

Бердібек Сапарбаев, облыс әкімі:
Біз тойхана, мейрамханалардың басшыларымен келіскенде, олар уәде берген болатын, барлық санитарлық талаптарды сақтаймыз, заңбұзушылық болмайды деп. Түсіндіру жұмыстарын ары қарай жалғастыруымыз қажет, санитарлық талаптарды, әлеуметтік қашықтықты сақтау керек.

Хабарламаларға жазылу