Жаңалықтарды Telegram арнамыздан оқыңыз!Шымкенттегі кинотеатрлар жұмысын өздері тоқтатуға мәжбүр. Қаланың бас санитарлық дәрігерінің соңғы қаулысына сай кинотеатрларға тек 30 процент жүктемемен ғана жұмыс істеу рұқсат етілген болатын. Онда да мерекеде және сенбі мен жексенбіден басқа күндері сағат 21.00-ге дейін ғана. Кәсіпкерлердің айтуынша, мұндай талап тынығу және көңіл көтеру орындарының жұмысына мүлдем сай келмейді. Оның үстіне қазіргі табыс ғимараттың күтімі, күзеті, коммуналдық қызметіне кеткен шығын өз алдына, ең бастысы салаға ең керекті мамандарды ұстап қалуға жетпейді. Осындай қиындыққа тап келген кинотеатр қожайындары кәсіпкерлер палатасы мен бас санитарлық дәрігердің атына өз өтініштерін жолдады.
Ғани Қалмаханов
