Түркістан облысында 2 адам моншада газдан уланып қайтыс болды - «Qazaqstan» Ұлттық телеарнасы

Түркістан облысында 2 адам моншада газдан уланып қайтыс болды

26.11.2020

Түркістан облысында бүгін түнде екі әйел газдан уланып қайтыс болды. Леңгір қаласының тұрғындары моншада шомылып жатып жантәсілім еткен. Оқиға орнына жеткен жедел-құтқару тобы моншадағы газ қондырғыларының техникалық талаптарға сай келмейтінін анықтады. Яғни, су жылытатын пештің мұржасы сыртқа шығарылмағандықтан, улы түтін моншаның ішіне тараған. Осыдан үш күн бұрын ғана Сайрам ауданында 13 жастағы қыз бала моншада иіс тиіп көз жұмды. Онда да мамандар техникалық талаптар сақталмағанын анықтады. 

Бақытжан Запаров, облыстық ТЖД басқармасының бастығы:
Оқиға болған жерге полиция департаменті мен төтенше жағдайлар департаментінен және Қазтрансгаз аймақ өкілдері барып, ол жерде газдың шығу себептерін анықтап, ары қарай су мед экспертизаға мәйіттер беріледі. Сол жерден анық-қанығы анықталады.

Айнұр Ақбаева

Хабарламаларға жазылу