Жаңалықтарды Telegram арнамыздан оқыңыз!Халықаралық рейспен өзге елден оралған қазақстандықтардың індет жұқтырмағаны туралы анықтамасы болуы шарт. Олар ПТР-сынамасыз елге кіргізілмейді. Бұл туралы көліктегі мемлекеттік санитарлық бас дәрігер айтты.
26-шы қазаннан бастап 72 сағат ішінде сынама тапсырғандар ғана ұшаққа отырғызылады. 5 жасқа дейінгі балаларға анықтама керек емес. Барлық әуе компаниялары мен әуежайларға осы талапты орындау жүктелді. Айта кетейік, осыған дейін шетелден оралған жерлестеріміз карантинге жатқызылып, ПТР-сынаманы мемлекет есебінен тапсыратын.
