Жаңалықтарды Telegram арнамыздан оқыңыз!Короновирустың екінші толқыны кезінде өндірісті тоқтатуға, жұмыс орнын қысқартуға жол берілмейді. Сондай-ақ еңбекақыны уақытылы төлеу қатаң бақылауда болады. Талап «Самұрық-Қазына» Ұлттық әл-ауқат қорына тиеслі барлық компания мен кәсіпорындарда сақталуы тиіс. Қазір қор індеттің келесі толқынына дайын. Арнайы іс-шаралар жоспары жасалып, қаржы қорын дайындау жұмыстары жүргізілген. Компания ішінде тауарлар мен қызмет түрлерін үздіксіз жеткізіп беру мен сатып алу жұмыстары да қатаң бақылауда болады.
Алмасадам Сәтқалиев, «Самұрық-Қазына» ҰӘҚ» АҚ Активтерді басқару және жекешелендіру жөніндегі басқарушы директоры:
Бұл талаптар негізінен жылумен қамту және қуат көздерін игеруші компанияларға, байланыс, пошта және тасымалдау қызметтеріне, сонымен қатар әуе, теміржол тасымалдарымен айналысатындарға қатысты. Мұның барлығы отандық экономиканың тұрақтылығын қамтамасыз етеді.
Дарын Сағитов
