Жаңалықтарды Telegram арнамыздан оқыңыз!Мемлекеттік қызметкерлер мен олардың отбасы мүшелеріне сыйлық алуға тыйым салатын заңға Президент қол қойды. Құжатқа сәйкес квазимемлекеттік сектордың мемлекеттік бюджет қаржысымен жұмыс істейтін мамандарының статусы да мемлекеттік қызметкерлермен теңестірілген.
Сондай-ақ жедел іздестіру қызметі мен сотқа дейінгі тергеп-тексеру қызметкерлерінің арандатушылық әрекеттеріне де қатаң жаза тағайындалады. Бүгін осы тақырып аясында Сыбайлас жемқорлыққа қарсы іс-қимыл агенттігінің өкілдері баспасөз мәслихатын өткізді. Агенттік төрағасы бірінші орынбасарының сөзінше, мемлекеттік қызметшілерге кез келген құнды сыйлықтарды сыйға тартуға тыйым салынып отыр. Атап айтсақ, 2 айлық есептік көрсеткіштен асатын сыйлықтар тарту қылмыстық жауапкершілікке әкеп соғады.
Фариза Мұсақызы
