Жаңалықтарды Telegram арнамыздан оқыңыз!Құс тұмауының өршуіне байланысты Алматыда да сақтық шаралары қолға алынды. Әкімдік тұрғындардан үй құстарын тіркеуді сұрап отыр. Егер есепке алынбаса, айыппұл салынады. Қалада 8 мыңнан астам құс бар. Мамандар аурудың қауіптілігін ескере отырып, қала аумағында ұсталатын құстарды жүз пайыз тіркеуді жоспарлап отыр. Сондай-ақ Алматымен қатар өзге өңірлерде үй құстарын вакциналау мәселесі пысықталып жатыр.
Сейітхан Телтаев, Қалалық ветеринария қызметінің бөлім басшысы:-Алматы қаласында құс тұмауы шыққан жоқ. Басқа региондардағы жағдайға байланысты алдын алу шарасын жасап, алдымен құстың есебін жүргізіп алайық.
Жазира Оразқызы
