БҚО-да 5 үйдің шөбін қасақана өртеп жіберген - «Qazaqstan» Ұлттық телеарнасы

БҚО-да 5 үйдің шөбін қасақана өртеп жіберген

30.09.2020

БҚО-ның Достық ауылында бір түнде бес бірдей қораға от қойылған. Оқыс оқиға түнгі 12-мен 1-дің шамасында болды. Салдарынан 4 қора күлге айналып, қысқа деп жиналған 66 тонна шөп пен 1 тонна жем жанып кетті. Сондай-ақ тұрғындардың ірілі-ұсақты 8 бас малы мен ондаған үй құстары тірідей өртеніп кетті. Бұл осы жаздағы екінші оқиға, - дейді ауылдықтар. Елді мекеннің әр шетінен тұтанған өртті ауыздықтауға 30 өрт сөндіруші мен ондаған ауыл тұрғыны қатысты. Қазір іс полицияға тапсырылып, кінәлілер іздестірілуде. 

Руслан Бисенов, Достық ауылының тұрғыны: 
-Тамыз айында алған шөбім түгел жанып кетті. Ештеңеде қалған жоқ. Малымыз аман. 
Георгий Николейнко, Достық ауылының тұрғыны: 
-Көршілер жүрді, бәріміз шелекпен су тасыдық. Өрт сөндірушілер келіп бізге көмектесті. 

Рауан Диәли 



БҚО өрт ауыл елді мекен Достық ауылы

Хабарламаларға жазылу