Жаңалықтарды Telegram арнамыздан оқыңыз!Қазақстандық полицейлер банктен қомақты қаражат ұрлап, Біріккен Араб Әмірліктеріне қашып кеткен 57 жастағы әйелді елге қайтарды. Бұл туралы Нұр-Сұлтан қаласының Полиция департаменті мәлімдеді.
Экс-банкир бірнеше жылдан бері клиенттердің депозиттік шоттарынан жасырын аударымдар жүргізген. Сөйтіп қылмыстық жауапкершіліктен құтылу үшін БАӘ-ға қашып кеткен. Осы жымысқы әрекетінен соң оған халықаралық іздеу жарияланды.
18 қыркүйекте әйел адам ҚР Қылмыстық кодексінің 189-бабы бойынша Дубайда ұсталып, елге қайтарылды. Күдікті қазір уақытша ұстау абақтысында отыр. Тергеу жалғасып жатыр.
