Ақтөбе облысындағы 180 бекеттің 60-қа жуығында газ жоқ - «Qazaqstan» Ұлттық телеарнасы

Ақтөбе облысындағы 180 бекеттің 60-қа жуығында газ жоқ

28.09.2020

Ақтөбеде сұйытылған газ тапшы. Облыстағы 180 бекеттің алпысқа жуығында газ жоқ. Қыркүйекке жоспарланған 11 мың тоннаның орнына 9,5 мың тоннасы ғана берілген. Мамандар оның себебін Жаңажол газ өңдеу зауытындағы жоспарлы жөндеу жұмыстарымен байланыстырады. Сұйытылған отынның бір бөлігін Атырау облысынан алу жоспарланған, алайда газ тасымалдау компаниялары одан бас тартқан. Өңірдің тұтыну көлемі 13 мың тонна. Қазір бекеттерде газдың литрі 49-54 теңге аралығында. Жауапты мекеме өкілдері бағада өзгеріс болмайды деп сендірді.

Айбек Қайыр, Облыстық энергетика және ТҮКШ басқармасының басшысы:
-Қазан айына 12 082 тонна қарастырылған. Жоспарға сәйкес келісімшарт жасалған.

Газ тапшылығы Ақтауда да сезілді. Қазір газ құю бекеттерінде ұзын-сонар кезек. Алайда, жергілікті атқа мінерлер өңірде газ тапшығы жоқ дегенді алға тартады.


Хабарламаларға жазылу