Жаңалықтарды Telegram арнамыздан оқыңыз!Ішкі істер министрлігі шикі ет жеген баланың ата-анасын іздестіріп жатыр. Баланың піспеген етті жұлып жеп жатқан видеосы интернетте тарап, қолданушылар арасында қызу талқыға түскен. Баланың ата-анасын тапқаннан кейін министрлік өкілдері олармен түсіндіру жұмыстарын жүргізеді. Ал, Nur Otan партиясы жанынан балалардың құқығы тапталған кезде хабарласып көмек сұрайтын 111 жедел қызметі жұмысын бастады. Оған отбасылық зорлық-зомбылық, балалардың өміріне төнген қауіп, қиын жағдайға тап болған адамдар немесе басқа да мәселелер бойынша хабарласуға болады. Тіпті ашық құдық, үзілген электр желілері бойынша да жұмыс істейді. Нұр-Сұлтан қаласында орналасқан орталық республика бойынша барлық полиция бөлімдерімен келісімге келген. Қоңырау түсісімен жедел топ оқиға орнына барады. Жедел қызмет аптасына 7 күн 24 сағат жұмыс істейді.
Динара Закиева, «Nur Otan» партиясы жанындағы Отбасы, әйелдер және балалар құқығын қорғау кеңесінің төрағасы:
- 111 жедел қызметі 1 қыркүйектен бастап жұмыс істеп тұр. 3 аптаның ішінде 300-ден астам қоңырау қабылдап үлгердік. Оның ішінде отбасылық көмектер, құжаттандыру, балалар құқығы сияқты мәселелер болды. Біз бірден шаралар қабылдап іске кірістек. Қазір барлық іс партияның бақылауына алынған.
Оңғар Алпысбайұлы
