Жаңалықтарды Telegram арнамыздан оқыңыз!Президент Жолдауының әр тарауы жан-жақты талқыланып жатыр. Әсіресе, көпшілік білім беру саласының сапасын арттыра отырып, барлық бағытты ғылымға негіздеу керектігіне екпін беруде. «Сөйтсе әлеумет те әлденеді, экомика да табысты болады», - дейді ғалымдар.
Тахир Балықбаев, Абай атындағы Қазақ ұлттық педагогикалық университетінің ректоры:
- Дипломдарды басып бере салатын ЖОО-лар туралы ерекше айтылды. Шындығында ондай ЖОО-ға білім беру кеңістігінде орын болмауы керек. Сол себепті бақылау жүйесі, одан әрі шара қолдану жүйесі дұрыс жұмыс істеу керек.
Рахман Алшанов, Алматы қалалық қоғамдық кеңесінің төрағасы:
- 150 мың тонна сырттан тауық етін әкелеміз. Өзімізде бәрі бар ғой. Неге сол кәсіпорындарды ашпайды?
Мейрамбек Беспаев, ҚР Еңбек сіңірген қайраткері:
- Әсіресе, ЭКО мәселесі маған ұнады. Ұланғайыр жеріміз бар. Бірақ халықтың саны өспей жатқан сияқты. Соған көңіл бөлген ұнады.
Нысаналы Ығыл
