Жаңалықтарды Telegram арнамыздан оқыңыз!«Бірге – Таза Қазақстан» акциясы аясында Алматы облысының жағажайларында тазалық айлығы өтуде. Мамандар Қапшағай су қоймасының жағасында демалып жатқандар арасында түсініктеме жүргізіп, арнайы ақпараттық парақшалар жəне қоқыс жинайтын полиэтилен пакеттер таратты. Сондай-ақ жағажай тазалығына мəн бермеген демалыс орын басшыларына ескертулер жасалып, хаттама толтырылды.
Ерлан Құтжақов, облыстық Полиция департаменті табиғатты қорғау тобының аға инспекторы:
- Браконьерлікке қарсы бес қылмыстық іс қозғалды. 68 əкімшілік құқықбұзушылықпен адамдар жауапкершілікке тартылды.
БҚО-ның су айдындары маңында да экологиялық акция өтті. Оған 5 мыңнан аса адам қатысып, 170-ке жуық арнайы көлік жəне қосымша табиғат пайдаланушылардың, шаруа қожалықтардың техникасы жұмылдырылды. Таңғы жетіден түске дейін созылған шара кезінде, яғни, жарты күннің ішінде ғана 263 тонна қоқыс жиналып шығарылды.
Қуаныш Қанатұлы
