Жаңалықтарды Telegram арнамыздан оқыңыз!Экология министрлігі заңсыз қоқыс орындары бойынша жедел желіні іске қосты. Бұл туралы Twitter-дегі парақшасында Экология, геология және табиғи ресурстар министрі Мағзұм Мырзағалиев хабарлады.
«Экология министрлігінің стихиялық үйінділер бойынша жедел желісінің нөмірі: +77759524900. Бұл желіге Қазақстанның кез келген тұрғыны өз қаласы немесе ауданындағы заңсыз қоқыс орындары мен деректері туралы, оның ішінде, соны растайтын фото, бейнематериалдарды жолдай алады. Сіздермен, сондай-ақ Ішкі істер департаменті және әкімдіктермен бірге жағдайды бақылап, сол жерге барып, шара қабылдайтын боламыз», - деді министр.
