Үйлену тойын өткізгендер жазаланды - «Qazaqstan» Ұлттық телеарнасы

Үйлену тойын өткізгендер жазаланды

29.06.2020

Алматыда карантинге қарамастан, үйлену тойын өткізгендер жазаланды. Жас жұбайлардың қуанышын бөлісуге келген 100-ден аса адам жарты сағатқа жетпей, үйлеріне қайтуға мәжбүр болды. Арнайы рейд жүргізген мониторинг тобы тойдың үстінен түсіп, жиналғандарды тарқатты. Ал банкетті ұйымдастырған дәмхананың қызметі сол мезетте тоқтатылды. Мекеменің иесіне әкімшілік хаттама толтырылып, іс сотқа жіберілді. Қазір Алматыда мониторинг топтары кәсіпкерлік нысандарының санитарлық талаптарды сақтауын жіті бақылап жүр. Осы уақытқа дейін 5 мыңнан астам нысанның жұмысы тексерілген. 600-ге жуық мекемеде карантин ережелерінің бұзылғаны белгілі болды. Соның арасында карантинге қарамай той тойлағандар бар. 

Жазира Оразқызы 

Хабарламаларға жазылу