Президент Ирландия Премьер-Министрімен телефон арқылы сөйлесті - «Qazaqstan» Ұлттық телеарнасы

Президент Ирландия Премьер-Министрімен телефон арқылы сөйлесті

09.06.2020

Бүгін сондай-ақ Мемлекет басшысы Ирландия Премьер-Министрі Лео Варадкармен телефон арқылы сөйлесті. Әңгіме барысында екіжақты ынтымақтастық пен саяси және сауда-экономикалық әріптестікті дамытудың келешегі талқыланды. Тараптар іскерлік байланыстарды күшейтуге және ауылшаруашылығы, жоғары технологиялар мен инновациялар салаларындағы бірлескен инвестициялық жобаларды іске асыруға мүдделі екенідерін жеткізді. Әрі коронавирус індетінің таралуына ерекше тоқталды. Қазақстан Президенті және Ирландияның Премьер-Министрі екі елдің пандемияның кері салдарын жеңілдету бойынша кешенді шаралар, оның ішінде, тұрғындардың аз қамтылған топтарын қолдау және дағдарыстан кейінгі кезеңде іскерлік белсенділікті ынталандыру жұмыстарын жоғары бағалады.


Хабарламаларға жазылу