Жаңалықтарды Telegram арнамыздан оқыңыз!Маңғыстауда коронавирусқа шалдыққан әйел сақтық шараларына салғырт қарамауға шақырды. Арнайы бейнеүндеу жолдаған ол 20 күннен бері қауіпті індеттің құрсауында болғанын айтады. Денсаулығы енді ғана жақсара бастаған бейнеулік Ғалия Рахметова тұрғындар "вирус жоқ" деген қауесетке сенбеу керектігін айтады. Басынан өткен жағдайды баяндаған ол, жұқпалы ауруға бей-жай қарамау керектігін айтты. Дене қызуы көтеріліп, Бейнеу аудандық провизорлық стационарға жатқызылған. Алайда ем шаралары жүргізілгеніне қарамастан денсаулығы күрт нашарлап, Ақтауға жеткізіледі. Жансақтау бөлімінен шыққанына бүгін 2-ші күн.
Аягөз ОРАЛБАЙҚЫЗЫ
