Жаңалықтарды Telegram арнамыздан оқыңыз!Соңғы 2 жылда қауіпті өндірістік нысанда жұмыс істейтіндердің жарақаттану көрсеткіші 2 есе көбейген. Бұған себеп, ол нысандардағы авариялық құтқару жұмыстарымен арнайы маманданбаған ұйымдар айналыса бастады. Оқыс оқиғаны азайту үшін мәжілістің жалпы отырысында таныстырылған «өнеркәсіптік қауіпсіздік туралы заң жобасына» депутаттар бірқатар өзгерістер ұсынды. Құжат өнеркәсіптік қауіпсіздік саласындағы заңнама нормаларын жетілдіру, қауіпті нысандарда өнеркәсіптік қауіпсіздік саласындағы мемлекеттік қадағалауды күшейту, авариялық-құтқару жұмыстарын жүргізу бойынша қызмет көрсететін ұйымдардың қызметін реттеуге бағытталған. Мәжіліс төрағасы Нұрлан Нығматулиннің пікірінше заң жобасы әлеуметтік нысандардағы бақылауды күшейтіп, өндірістегі қызметкерлердің қауіпсіздігін қамтамасыз етеді.
Оңғар АЛПЫСБАЙ
