Саяси партияларды құру мен тіркеу талабы жеңілдетілмек - «Qazaqstan» Ұлттық телеарнасы

Саяси партияларды құру мен тіркеу талабы жеңілдетілмек

24.05.2020

Парламент Сенаты саяси партияларды құру мен тіркеу талабын жеңілдететін заңды қабылдады. Партияларды тіркеудің талаптық шегі төмендетілді. «Қабылданған заңдар көп партиялық жүйені одан әрі нығайтуға септігін тигізетіні сөзсіз. Сондай-ақ партиялардың сайлау тізімінде әйелдер мен жастар үшін 30 пайыздық міндетті квота белгіленді»,- деді Сенат төрағасы. Саяси партияларды құру үшін тіркеу кедергісі 40 мыңнан 20 мың адамға дейін төмендетілмек.

Парламент, саяси партиялар демекші, Қырғыз Республикасы парламенті - Жогорку Кенештің депутаты, Қырғызстан коммунистік партиясы орталық комитетінің жетекшісі, «Онугуу-Прогресс» партиясы атынан сайланған Исхак Масалиев депутаттық мандатын тапсыратынын мәлімдеді.

Бүгін Қырғызстан парламентінің экс-спикері Мукар Чолпонбаевтың коронавирустан көз жұмғаны жабарланды. 70-тегі саясаткер ауруханаға мамыр айының басында түскен.


Хабарламаларға жазылу