Мәжіліс митинг туралы заң жобасын мақұлдады - «Qazaqstan» Ұлттық телеарнасы

Мәжіліс митинг туралы заң жобасын мақұлдады

20.05.2020

Сондай-ақ Мәжіліс депутаттары бүгін митинг туралы заң жобасын Сенат енгізген толықтырулар мен ескертулерді ескере отырып қайта мақұлдады. 

Бүгін Мәжіліс депутаттары митинг туралы заң жобасын осымен екінші мәрте бекітті. Өйткені алғашында құжатты мақұлдап, Сенатқа жібергенімен, ондағылар заң жобасын «шикі» деп кері қайтарған еді. Әрі бейбіт шерулер туралы заң жобасының қазақша нұсқасында жүздеген әріп қатесі болған. Сол үшін кем-кетікті түзеп, толықтыруларды енгізген мәжілісмендер құжатты қайта қарады.

Біраз уақыт қос палатаның ішінде айналып жүрген заң жобасын енді сенаторлар мақұлдауы тиіс. Сөйтіп маңызды құжат Президенттің қарауына жіберілмек.

Досжан МАРАТҰЛЫ


Хабарламаларға жазылу