Жаңалықтарды Telegram арнамыздан оқыңыз!Мемлекет басшысы Үкіметке берген жеке табыс салығының үдемелі өлшемін енгізу туралы тапсырмасының мәнін жіліктеп берді. Президент пәрменін орындау мақсатында яғни, жеке табыс салығының прогрессивті шкаласын жан-жақты талқылау үшін бүгін арнайы жұмыс тобы құрылды. Бұл туралы Ұлттық экономика вице-министрі Мәди Тәкиев мәлімдеді. Жаңа ережені нақтылауға депутаттар, бизнес қауымдастық өкілдері мен қоғам қайраткерлері қатысады. Талқылау ашық өтеді. Сондықтан әлеуметтік желіде тараған түрлі нұсқаларға сенбеуге шақырды. Мәди Тәкиев Салық саласына енгізілетін ереженің реті мен тәртібі туралы айту әзірге ерте екенін айтты. Қазір жеке табыс салығының жергілікті бюджеттегі үлесі 34, мемлекеттік бюджетте 9 пайызды құрайды.
Асима НҰРБАЙҚЫЗЫ
