Мұнай саласында істейтін 15 мыңдай адам жұмысынан айырылуы мүмкін

14.04.2020

Мұнай саласында жұмыс істеп жүрген 15 мыңдай адам жұмысынан айырылуы мүмкін. Қолданбалы экономиканы зерттеу орталығының ғылыми жетекшісі Жақсыбек Күлекеев осылай дейді. Экономист ОПЕК+-тің осы аптадағы келісімінің Қазақстанға тигізер салдары осындай болады деп отыр. Себебі еліміз күніне 390 мың баррель мұнай өндірісін қысқарту міндеттемесін алған еді. Биыл еліміз 86 миллион тонна қара алтын өндіруді жоспарлаған. Алайда Қазақстан алдағы 8 айда өндірісті 11 миллионға қысқартуға міндетті. Атап айтсақ, Алғашқы мамыр-маусым айларында 3,2 миллион тонна, кейінгі 6 айда 8,5 миллион тонна. Яғни тек 75 миллион тонна мұнай өндірілмек. Салдарынан өндіріс саласы едәуір зардап шегуі мүмкін екенін айтады сарапшы.

Лейла ДУЛАТ


Хабарламаларға жазылу