Жаңалықтарды Telegram арнамыздан оқыңыз!Ақмола облысында дүлей дауылдың салдарын жоюға бағытталған жұмыстар жалғасуда. Аймақтағы 18 елді мекеннің жарықсыз отырғанына бүгін екінші күн. Олар Бурабай және Зеренді аудандарындағы ауылдар. Жөндеу жұмыстары жүріп жатыр. Көкшетау қаласында да қалпына келтіру шаралары әлі аяқталған жоқ. Қатты желдің салдарынан өңірдегі 189 елді мекен электр энергиясыз қалған еді. Оның 171-іне жарық берілді.
Дауылдан 210 ғимаратқа зақым келген. Олардың қатарында тұрғын үйлер және білім беру мен денсаулық сақтау мекемелері басым. Бұл көрсеткіш ұлғаюы мүмкін. Себебі арнайы құрылған комиссия әлі жұмыс істеп жатыр.
Ермек ЕЛБЕРГЕН
