Мамандар коронавирус күзде қайта өршуі мүмкін екенін айтады - «Qazaqstan» Ұлттық телеарнасы

Мамандар коронавирус күзде қайта өршуі мүмкін екенін айтады

05.04.2020

Фейсбуктегі парағында Денсаулық сақтау министрі Елжан Біртанов мынадай жазба қалдырды:

...Карантиннің арқасында вирустың 28 наурыздағы 52 проценттік өсімін соңғы тәуліктерде 12 процентке азайттық. Алдағы жаз айларында эпидемия азаяды, бірақ жоғалмайды. Мамандар күзде қайта өсуі мүмкін екенін айтады. Осы болжамдарға байланысты 3920 инфекциялық төсек дайындалды, 3700 провизорлық төсек вирус жұқтырды деген күдікпен жатқызылатындарға әзірленді. Ауыр науқастарға реанимацияларда 180 орын, 170 өкпеге жасанды дем беру аппараты бар. Алайда пациенттердің инфекциялық ауруханаларда 3-4 аптаға дейін болатынын ескерсек, сонымен бірге вирус әл бермей тараса, көбірек арнайы аурухана, төсек орын керек.


Хабарламаларға жазылу