Жаңалықтарды Telegram арнамыздан оқыңыз!Кәсіпкерлер қаржы құятын саласының тұрақты әрі сенімді болуына ерекше мән береді. Бұл жұмыстарды Инвестициялар және даму министрлігі, Сыртқы істер министрлігі, Мемлекеттік қызмет істері және сыбайлас жемқорлыққа қарсы іс-қимыл агенттігі бірлесіп атқармақ. Бүгін тараптар ортақ міндеттерін құжатпен бекітіп, меморандумға қол қойды. Халықаралық бизнес форум аясында елге тартылатын инвестицияның қауіпсіздігін күшейту тұрғысындағы өзге де бірқатар мәселелер талқыланды. Сондай-ақ, тараптар ынтымақтаса отырып, «инвестицияларды қорғау» жобасының арнайы бюросын құратын болды.
Салауат Мұқсимов, Мемлекеттік қызмет істері және сыбайлас жемқорлыққа қарсы іс-қимыл агенттігі департаментінің директоры:
- Жобалық кеңсенің ең басты мақсаты - еліміздегі барлық инвесторлардың және шетелдегі потенциалды инвесторлардың құқықтарын қорғау, соларға жағдай жасау. Кәсіпкерлердің күнделікті қызметіне заңсыз араласу. Ең басты проблема осыда. Сондықтан, осыған байланысты 900-ден астам факт тіркеліп, үш жыл бойы тиісті адамдар жауапкершілікке тартылып, 500-дей кәсіпкердің құқығы қорғалып отыр.
Оңғар АЛПЫСБАЙҰЛЫ
