Жаңалықтарды Telegram арнамыздан оқыңыз!Республикадағы төтенше жағдай кезінде медициналық маскаларды қымбат бағамен сатқандар ұсталды. Елордадағы бір топ тұрғын 55 мың дана масканы халыққа 12 миллион 500 мың теңгеге өткізген. Тексеріс барысында олардың ешбір құжаты болмай шықты. Қазір сотқа дейінгі тергеу жұмыстары басталды.
Сондай-ақ, қарапайым тұрғындар да медициналық препараттар мен маскалардың бағасын өсіріп жіберген алып-сатарларды анықтауға көмектесіп жатыр. Нәтижесінде Ақтөбе облысындағы «Дентал Центр» клиникасының менеджері ұсталды. Ол кәсіпорын қоймасынан бір масканы 190 теңгеден сатып, жалпы сомасы 1 миллион 805 мың теңге пайда көрген. Осыған қатысты қылмыстық іс қозғалды.
