Жаңалықтарды Telegram арнамыздан оқыңыз!Коронавирусқа байланысты Қытайдан Қазақстанға келетін кейбір тауарларға уақытша шектеу қойылып, сауда айналымы қаңтар-ақпан айларында 22%-ға азайды. Бұл туралы Мемлекеттік кірістер комитетінің төрағасы Марат Сұлтанғазиев мәлімдеді. Салыстырмалы түрде айтсақ, былтыр осы уақытта шекарадан жүк тиеген 14 мыңға жуық автокөлік кірсе, биыл бұл көрсеткіш 11 мыңға дейін төмендеген.
Комитет төрағасының сөзінше, былтыр салықтық тексеріс нәтижесінде 344 миллиард теңге көлемінде заңбұзушылық анықталған. Кәсіпкерлік субъектілерге тексеріс азайғанымен, бизнес иелері тарапынан заңбұзушылық 2 есеге көбейген.
Айдос ӘШІМ
