Жаңалықтарды Telegram арнамыздан оқыңыз!Бұқаралық спорттың өрісін кеңейтуге жасалған қадам. Елордада тағы бір заманауи спорт кешені ашылып, пайдаланылуға берілді. Заманауи құрылғылармен жабдықталған орталықты «Полет-М» құрылыс компаниясы өз қаржысына салған.
Спорт кешенінің ашылу салтанатына қатысқан қонақтар жаңа сарай - спорттың дамуына серпін береріне сенім білдірді. Жастарды сергек болуға шақырды.
Орталықтағы бассейнге балаларды 2 айынан бастап апаруға болады. 25 метрлік хауызға ересектер де көп барады. Сондай-ақ мұнда мүмкіндігі шектеулі балаларға арналған сабақтар өткізіледі.
Заманауи стандарттарға сай салынған денешынықтыру-сауықтыру орталығы күніне жүздеген адамды қабылдауға қауқарлы. Грек-рим күресі, каратэ, дзюдо үйірмелері де бар. Бастысы, бағасы қолжетімді.
Қала тұрғындарының салауатты өмір салтын сақтап, әртүрлі спорт түрлерімен айналысуына мүмкіндік беретін жаңа нысан – халықтың спортқа деген қызығушылығын одан әрі арттыратыны сөзсіз.
Фариза МҰСАҚЫЗЫ
