Жаңалықтарды Telegram арнамыздан оқыңыз!Алматы облысында қайнатылған ірімшік өнімдері Ресей нарығына шыға бастады. Мәселен, Мәскеу қаласында қазақстандық өнімнің көпшілікке таныстырылымы өтті. Отандық кәсіпкерлердің айтуынша, қазір қазақстандық сыр көрші елде барынша бәсекеге қабілетті. Себебі, Батыс елдеріне салынған санкциядан соң Ресейге Еуропадан келетін ірімшік анағұрлым азайған. Осы мүмкіндікті пайдаланған кәсіпкер Ақмарал Иманбаева бір жылдан бері өз қолымен жасаған өнімдерін Мәскеуге әкеп сатып жүр. Экологиялық жағынан таза, табиғи тағам болғандықтан, Ресейде қазақстандық өнімге сұраныс жақсы. Әзірге бұл өнімдер тек түрлі көрмелер мен жәрмеңкелерде ғана сатылып жатыр. Ал, келешекте азық-түлік дүкендерінде де саудалана бастайды.
Нұртас СОЛТАНҰЛЫ
