Министр ұшақты апатқа ұшыратуы мүмкін 3 себепті атады - «Qazaqstan» Ұлттық телеарнасы

Министр ұшақты апатқа ұшыратуы мүмкін 3 себепті атады

30.12.2019
Министр ұшақты апатқа ұшыратуы мүмкін 3 себепті атады

«Қазіргі уақытта оқиғаға қатысты тергеу жүргізіліп жатыр. Тергеуге сәйкес үш нұсқамыз бар. біріншісі – ұшақ экипажының қателігі. 

Екінші – ұшақтағы техникалық ақау. 

Үшінші – әуежайдың навигациялық қызметінің қателігі. Бүгінде 5-6 техникалық сараптама жүргізілу үстінде. Ұшақты жасаған зауыттан мамандар келді. Олар біздің сарапшылармен бірлесіп жұмыс істеп жатыр. Сараптамалар біткеннен кейін нәтижесін айтамыз», - деді министр Үкімет отырысынан кейін БАҚ өкілдерінің сауалына орай. 

Оның айтуынша, ұшақтың екінші ұшқысы, бір бортсерік қазіргі уақытта ауруханада реанимацияда жатыр. Ал қалған 2 бортсерік ұшақтың артқы бөлігінде отырғандықтан аман қалды. 

Еске салсақ, 27 желтоқсанда Алматыдан Нұр-Сұлтан қаласына ұшып шыққан ұшақ радардан жоғалып кетті. Кейін 95 жолаушысы және 5 экипаж мүшесі бар ұшақтың апатқа ұшырағаны мәлім болды.

іnform.kz

Хабарламаларға жазылу