Жаңалықтарды Telegram арнамыздан оқыңыз!3 жылда 9000-нан астам жас кәсіпкер атанды. Бұл - «Jas project» жобасының жемісі. Бүгін Елордада аталмыш бағдарламаға қатысқан жастар өз жұмысын қорытындылады. Жоба талабы бойынша олар мемлекеттен қайтарымсыз алған 1 миллион теңгеге жеке кәсібін бастайды. Басты шарты – алғашқы алты ай аз қамтылған отбасыларға көмектесу керек. Қайтарымсыз грант иегерлерімен біздің түсірілім тобы жүздесіп келді.
Роботехника – Талғат Сүндетовтің сүйікті ісі. Жобаға қатысып, 1 миллион теңге грант ұтты. Қазір түрлі техниканы құрастырады. Балаларға үйретеді. Болашақта адаммен тілдесетін робот ойлап таппақ.
Жоба ауқымы кәсіпкерліктің барлық саласын қамтыған. Олардың 557-і сүт және ет өнімдері, 478-і білім беру курсы, 288-і шығармашылық үйірмесі, 275-і спорт секциясы мен фитнес клубтары, 20-і тігін шеберханасы, 175-і наубайхана мен кондитерлік өнімдерді қолға алған.
Бұл бағдарлама - Білім және ғылым министрлігі мен Дүниежүзілік банктің бірлескен жобасы. Алдыңғы жоба қатысушыларының жұмысы сәтті аяқталса, болашақта жалғасын табуы мүмкін.
Раушан САЙЛАУҚЫЗЫ
