Жаңалықтарды Telegram арнамыздан оқыңыз!Оралда нан бағасы 19 теңгеге қымбаттады. Жоғарғы сұрыпты ұннан жасалған «ас атасының» бір бөлкесі бұрын 100 теңге еді. Қазір 119-120 теңге тұрады. Бұл тек нан өндіруші кәсіпкерлердің өз дүкендеріндегі баға. Ал өзге сауда орындарында бұған 5-10 теңге қосылады. Қалада қазір 7 наубайхана жұмыс істейді. Жоғарғы сұрыпты нан бағасын ұстап тұруға жергілікті әкімдік әсер ете алмайды. Тек әлеуметтік маңызы бар 19 азық-түліктің бағасын қадағалап отыр. Ал «әлеуметтік нан», яғни бірінші сұрыпты нан бағасы өзгеріссіз қалды.
Мейрам Хайыров, Қалалық кәсіпкерлік бөлімінің басшысы:
Бірінші сұрыпты ұннан жасалған нан бағасы қымбаттамайды. 80 теңге құрайды. Ал енді жоғары сұрыпты ұннан жасалған нанның бағасы 119 теңгені қрады. Бағаның қымбаттауы — азық-түлік астығының қымбаттауына байланысты болып табылады.
Ардақ МҰРАТҚЫЗЫ
