Жаңалықтарды Telegram арнамыздан оқыңыз!Бүгін америкалық жауынгерлер мен 100 шақты техника Ирак шекарасына өтті. Президент Дональд Трамп оларды араб республикасынан шығаратынын таяуда жариялап, түрік армиясының Сирияға кіруіне жол ашты.
Пентагонның мәлімдеуінше, Құрама Штаттардың мыңға жуық сарбазы Ирактың батысына көшіріліп, «Даишқа» қарсы науқанды әрі қарай жалғастырады.
Өткен аптада Вашингтон мен Анкара Сирияның солтүстігінде бескүндік ымыра жариялады. Оның мерзімі ертең аяқталады. Сол пәтуаға сәйкес, бұл аймақтан күрд отрядтары да әкетіліп, олардан босаған территорияларға Түркияға қашқан миллиондаған босқын қайтарылуы керек.
Арыстан Рысбек
