Жаңалықтарды Telegram арнамыздан оқыңыз!Агроөнеркәсіп кешенін дамытуға арналған республикалық жиыннан соң Мемлекет басшысы Петропавл кәсіпорындарының жұмысымен танысты. Мына индустриалдық аймақта полиэтилен пакеттен бастап пластмасс ыдыс-ақ, азық-түлік өнімдері жасап шығарылады. Ірі кешенге Қазақстанның түкпір-түкпірінен полиэтилен жеткізіліп, ол қайта өңделеді. Жалпы алғанда бес жүзге дейін тауар түрі шығарылады. Он екі сағат үзіліссіз екі ауысыммен жұмыс істейтін зауыттың өнімдері еліміздің әр өңірінде сатылады. Сондай-ақ Ресейдің бірнеше аймағына шығарылады. Ал кеңестік кезеңнен бері жұмыс істеп жатқан Киров зауыты көп ұзамай компьютер шығаратын түрі бар. Солтүстікқазақстандық радиотехниктер компьютерге қажетті плата жасауға кірісіпті. Жас мамандармен сұхбаттан соң, дәстүрлі фотоға түсу рәсімі де болды. Президент өңірдің өркендеуіне үлес қосып жатқан зауыт қызметкерлеріне жұмыстарында сәттілік тіледі.
Альбина ӘШІМ
