Жаңалықтарды Telegram арнамыздан оқыңыз!«Мақпалдың мекені» айдарының бүгінгі кейіпкері 18 жасар Құралай. Ол 10 жасында велосипедтен құлап, бел омыртқасына зақым келген. Екі жылдай төсекке танылған Айгүл басына түскен ауыртпашылықты қалай жеңгені туралы айтып берді.
«Бала кезімнен велосипед тебуді ұнататынмын. Бір күні велосипед теуіп келе жатып, жоғарғы жолдан байқаусызда құлап кеттім. Ол кезде баламын, орнымнан тұрып, ештеңе байқамадым. Үйге барып ауырған жерді жуып, ешкімге көрсетпедім. Бір-екі күннен кейін қолым ауыра бастады. Анам емханаға апарып, рентген жасады. Рентген омыртқамның майысқанын көрсетті. Дәрігерлер сколиоз диагнозын қойды. Жан-жаққа апарып, қаратты. Ресейге де бардық. Бір ерекшелігі - омыртқам тез майыса бастады. Бір жылда 2-ші дәрежеден 3-дәрежеге өтті. Қандай ем алсам да еш көмек болмады. Күннен күнге қолым ұйым, жаны кете басталды. Жүрісім, отырып-тұруым қиындады.
2012 жылы ота жасаттым. Ата-анам қасымда болды. Ең қиыны - отаға бір күн қалғанда мен ойландым. Себебі отаға кепіл берілмеді. Сонда да барлығына келістік. Өйткені басқа амал болмады. Ота жасағанда жұлыныма зақым келіп, төсек тартып қалдым. Ата-анамды танымай, жан сақтау бөлімінде көп жаттым. Қазір омыртқама темір қондырылған. Омыртқам 17 градусқа майысқан.
Ауруханадан шығып, үйге бардық. Дәрігерлер үміт бермеді. Анам-әкем жұмысын тастап, қасымда болды. Ол үшін оларға үлкен алғыс. Шарасыз жаттым. Өзімнің қатарластарымнан қалғанымды түсіндім. Сабаққа бара алмадым. Арманым – журналист болу еді. Үмітім үзілді.
Анам мені қатты қолдады. Уақыт өте есіме бәрін түсіре бастадым. Бір күні бір саусағым жыбырлай бастады. Ешкім сенбеді. Содан қолым қимылдап, көтере бастадым. Кейін аяқтарым қимылдай бастады. Аяғымнан тұрғызған – ата-анамның сөздері. Себебі олар жігер беріп отырды», - дейді Құралай.
Толығырақ «Бақытты әйел» бағдарламасынан біле аласыз.
