Гүлшара Есетқызы: Мен дүниеге келгенде әжем ырымдап, ешкімге көрсетпей баққан - «Qazaqstan» Ұлттық телеарнасы

Гүлшара Есетқызы: Мен дүниеге келгенде әжем ырымдап, ешкімге көрсетпей баққан

04.12.2017

Қазақстанның Еңбек сіңірген қайраткері Гүлшара Есетқызының «Дара жолы»

Қазақстанның Еңбек сіңірген қайраткері, ұстаз Гүлшара Есетқызы биыл 70 жасқа толады.

«Атырау облысы Құрманғазы ауданының тумасымын. Ата-анамның, өзімнің туып-өскен жерім. Менің алдымда 4-5 бала шетінеп кеткен. Мен дүниеге келгенде әжем ырымдап, анам екеумізді ешкімге көрсетпей баққан. Менен кейін балалар ілесті. Іні,сіңлілерім бар. Әулетімізде барлығы өнер адамдары. 

6 жасымда әріп танып, газет оқитын болғанмын. Содан әкем мені мектепке ерте берген. Соғыстан кейінгі уақыт. Ауылдың адамдарына Пушкиннің өлеңдерін оқып береді екенмін. Өлең айтуды ерте бастадым. Қыс-жазға қарамай клубта ән салатынбыз. Ол кезде микрофон да, шам да жоқ. Үлкен өнер адамдарының қанатының астында өсіп, адам болдық», - дейді Гүлшара Есетқызы.

Хабарламаларға жазылу