Жаңалықтарды Telegram арнамыздан оқыңыз!22 сәуір күні Астанада ауылшаруашылық жәрмеңкелер маусымы ашылады. Алғашқы жәрмеңке «Думан» ойын-сауық орталығының алдындағы алаңда өтеді.
Елорда тұрғындары таңғы 9:00-ден кешкі 18:00-ге дейін өнімдерді қалалық базарлардағы бағалардан 10-15 пайызға төмен сатып ала алады.
Жәрмеңкеде негізгі азық-түлік өнімдерінің түрлері, атап айтқанда Ақмола мен Қарағанды облыстарынан әкелінген көкөніс, жеміс, ет, сүт өнімдері, кондитерлік және макарон өнімдері сатылады.
Астана қаласының әкімдігі азық-түлік өнімдері бағасының қымбаттауына жол бермеу және отандық тауар өндірушілерге қолдау көрсету мақсатында жыл сайын ауылшаруашылық жәрмеңкелерін өткізеді. Ауылшаруашылық жәрмеңкелері елордада күздің соңына дейін жалғасады.
