Жаңалықтарды Telegram арнамыздан оқыңыз!Айта кетейік, бұл Ұлттық арна ұжымы тарапынан тұрақты әрі дәстүрлі түрде ұйымдастырылып келе жатқан шара. Оған еліміздің аймақтарынан қалың көпшілік ерекше қадір тұтып, құрметтейтін танымал апа-әпкелеріміз бен қаракөз қарындастарымыз шақырылмақ. Мерекелік шара барысында оларға арнайы дайындалған түрлі аталымдар негізінде сыйлықтар ұсынылып, құрмет көрсетіледі. Сондай-ақ, осы кісілер жөнінде бейнесюжет көрсетіліп, өнерпаз отбасылардың өкілдері дайындаған мерекелік концерт қойылады.
Бұл шараның басты ерекшелігі - оған қатысатын танымал тұлғалардың барлығы өнерлерін өздерінің бала-шағаларымен бірлесе отырып ортаға салады.
Сонымен қатар, шарада театрландырылған көріністер де ұйымдастырылатын болады. Мерекелік шара 25 ақпан күні «Қазмедиа» орталығының «Киноконцерт» залында сағат 17-00-де басталады.
